Il-Forti San Salvatur, u l-faussebraye prottettiva li fiha jinsab il-ġnien ta’ Sa Maison, hawnhekk f’ritratt miġbud mit-triq tal-Marina tal-Msida

Il-Purtiera Polverista

Jekk timxi mal-marina tal-Imsida, tista’ tara l-Purtiera Polverista – ħajt purtiera twil kurazzat li jgħaqqad il-Bastjun tal-Imsida fuq ix-xellug, li llum fih iċ-Ċimiterju Storiku, mal-Bastjun La Vittoria fuq il-lemin. Il-bażi navali tal-Forzi Armati ta’ Malta, f’Haywharf, tinsab eżatt wara din il-purtiera. Isimha ġej mill-bini tal-fabbrika tal-porvli fuq is-sit fl-aħħar snin tas-seklu 17 wara li tneħħiet mill-Belt Valletta, u hija r-raġuni għaliex l-istruttura hija magħluqa fi ħdan daħla b’ħitan rettangolari.

Sa Maison u l-Arkata Mżerżqa

Il-ġonna ta’ Sa Maison magħrufa wkoll bħala l-Ġnien tal-Milorda jinsabu fi faussebraye protettiva, li hija parti mill-ħajt li jinfirex tul il-wisa’ kollha tal-ewwel art tal-Furjana, li żdied minn Valperga fl-1670. Il-ħajt serva bħala tarka għall-bażi tas-swar ewlenin.

Biex tifhem aħjar l-iskala ta’ dan il-ħajt, fl-għoxrinijiet tas-seklu 18, Bieb il-Bombi – illum l-entratura ewlenija għall-Furjana u l-Belt Valletta – kien mibni f’dan il-faussebraye bħala arkata waħda.

Kompli imxi sat-tarf tal-ġonna ta’ Sa Maison u ssib, arkata kbira mżerżqa, magħrufa bħala l-‘arcone’, disinn attribwit lill-perit Malti G. Barbara. Illum, din l-arkata mżerżqa hija integrata fl-istruttura ta’ erba’ sulari tal-MICAS. Din l-arkata tipprovdi mina interna ta’ komunikazzjoni li twassal għal sett ta’ tliet galleriji kontromini fil-fortizza.

L-arkata kbira mżerżqa, magħrufa bħala l-‘arcone’, disinn attribwit lill-perit Malti G. Barbara.

Il-Forti San Salvatur

Waqt li tkun fil-ġonna ta’ Sa Maison, agħraf li tinsab ukoll wara l-Forti San Salvatur.

Il-forti pproteġiet aktar il-Bastjun ta’ Provence (magħruf ukoll bħala l-Bastjun San Salvatur). Il-Forti San Salvatur huwa grupp ta’ iġbla magħmul mit-trab, li kien jintuża biex jirrinforza l-Bastjun ta’ Provence u fih għadd ta’ pjattaformi għall-kanuni.

Il-Forti San Salvatur se jkun is-sit għall-ġnien tal-iskultura tal-MICAS, u se jitlesta fl-2026.

Il-Galleriji tal-MICAS jinsabu f’sezzjoni tal-fortifikazzjoni li tinsab fil-limiti tal-forti fit-tarf tal-arkata mżerżqa.

L-ispazju aħdar fi ħdan il-Forti San Salvatur li se jintuża għal-ġnien tal-iskulturi tal-MICAS

Il-Bastjun San Salvatur

Ladarba tidħol fl-ispjanata ewlenija tal-MICAS, bil-galleriji tal-MICAS fuq il-lemin tiegħek, se ssib il-Bastjun San Salvatur (jew il-Bastjun ta’ Provence), li huwa kbir u li kien inbena qabel il-forti.

Fit-Tieni Gwerra Dinjija, il-bastjun tgħammar b’żewġ pjattaformi għall-kanuni. Fi żmien il-paċi, laqa’ ġo fih uffiċċji tal-gvern.

Oriġinarjament, il-Bastjun San Salavatur kien bastjun kbir bi trunċieri bir-ritirata mibnija għalih. Fis-seklu 18, il-pjanta l-ġdida inkludiet il-Forti San Salvatur u foss.

Il-bastjun fih ukoll diversi passaġġi u ftuħ li jikkomunikaw ma’ xulxin, b’waħda minnhom tiftaħ fuq l-ispjanata tal-MICAS.

Il-misraħ tal-MICAS. Fuq ix-xellug, il-Bastjun ta’ Provence, li jintuża bħala sit ta’ uffiċċini tal-gvern

Il-Bastjun La Vittoria

Il-Bastjun La Vittoria huwa s-sit ta’ Beacons, ix-xogħol artistiku ta’ Conrad Shawcross, kif ukoll huwa l-post tal-workshops u r-residenzi artistiċi tal-MICAS.

Inbena wara s-sena 1670, u fih żewġ partijiet, il-livell ta’ fuq b’bitħa mdawra minn kurazzi tal-kanuni, u pjattaforma terazzin b’amberżuni tal-kanun; u l-livell ta’ isfel bi spazji interjuri b’ħafna ħnejjiet u mħażen għall-armi. Waħda mill-kamra ġewwa l-interjur kienet inbidlet f’maħżen tal-porvli tas-seklu 19.

Il-livelli varji tal-bastjun għadhom jagħtu għal xulxin permezz ta’ turġien u żewġ fetħiet, u t-tielet waħda tipprovdi aċċess għall-kontromina ġewwa l-Bastjun ta’ Provence.

 
MICAS Beacons, ta’ Conrad Shawcross