Andrew issa ilu jgħix Malta għal aktar minn sena. L-ambizzjoni tul ħajtu kollha kienet li jaħdem f’Malta, mnejn hi ommu. Mindu wasal Malta, il-prijorità tiegħu kienet li jaħdem fuq proġetti varji ta’ konsulenza bħall-Corinthia Palace f’Ħ’Attard, u bħalissa qed jaħdem fuq il-Ġnien tal-Iskultura tal-MICAS. Qabel ġie Malta, kien il-ġardinar inkarigat minn Fenton House, ġnien tan-National Trust, ibbażat f’Hampstead, Londra. Hemmhekk, ħadem għal 11-il sena, fejn permezz tal-għarfien u l-passjoni tiegħu għall-pjanti li kiseb minn 11-il sena ta’ ħidma fil-Ġonna Botaniċi Rjali ta’ Kew, biddel il-ġnien minn wieħed ta’ stil rikreattiv għal wieħed b’wirja eċitanti ta’ fjuri. 

Il-passjoni ewlenija tiegħu fl-ortikultura hija li joħloq ġonna romantiċi u fl-istess ħin drammatiċi għal nies biex jgħixu fihom u jgawduhom, permezz ta’ għażla ta’ pjanti u metodi ta’ ġardinaġġ li jgħinu lin-natura fil-ġonna. L-espressjoni favorita ta’ Andrew marbuta mal-ġonna hija dik magħrufa sew, “pjanta tajba, post tajjeb!”